ໃນວັນທີ 9 ມີນາ 2023 ຜ່ານມາ ເນື່ອງໃນໂອກາດວັນແມ່ຍິງສາກົນ, ສະຖາບັນຝຣັ່ງ ນະຄອນຫລວງວຽງຈັນ ເປີດວາງສະແດງຮູບພາບ ທີ່ມີຊື່ວ່າ: ‘’ຂະມຸ ໄປໃສ-ການເດີນທາງໄປຮ້ອງເພງ ແລະ ເປົ່າແຄນ ຈາກແຂວງຫລວງນໍ້າທາ ສູ່ ນະຄອນຫລວງປາຣີ”

ເພື່ອສ້າງໂອກາດໃນການພົບປະແລກປ່ຽນກ່ຽວກັບບົດບາດ ແລະ ຄວາມສໍາຄັນຂອງແມ່ຍິງໃນທົ່ວໂລກ ໂດຍສະເພາະໃນ ສປປ ລາວ, ເຊິ່ງເປີດໃຫ້ເຂົ້າຊົມຈົນເຖິງວັນທີ 16 ມີນາ ທີ່ສະຖາບັນຝຣັ່ງ.

ທ່ານ ນາງ ຊີວ-ແລັງ ຊູອອກ ເອກອັກຄະລັດຖະທູດຝຣັ່ງ ປະຈຳ ສປປ ລາວ ໄດ້ກ່າວວ່າ: ງານວາງສະແດງຮູບພາບດັ່ງກ່າວ ເປັນຮູບພາບກ່ຽວກັບ ການເດີນສາຍທໍາການສະແດງຢູ່ປະເທດຝຣັ່ງ ຂອງຄະນະດົນຕີຊົນເຜົ່າຂະມຸ ທີ່ຈັດຂຶ້ນໃນເດືອນມິຖຸນາ 2022 ຜ່ານມາ ໂດຍ ທ່ານ ນາງ ເວໂຣນິກ ເດິ ລາເວີເນຣ ຊ່ຽວຊານຝຣັ່ງທາງດ້ານດົນຕີຊົນເຜົ່າ ທັງເປັນຊ່ຽວຊານດ້ານແຄນ.
https://doodido.com/%e0%ba%a7%e0%ba%b2%e0%ba%87%e0%ba%aa%e0%ba%b0%e0%bb%81%e0%ba%94%e0%ba%87%e0%ba%ae%e0%ba%b9%e0%ba%9a%e0%ba%9e%e0%ba%b2%e0%ba%9a-%e0%bb%82%e0%ba%ad%e0%ba%81%e0%ba%b2%e0%ba%94%e0%ba%a7%e0%ba%b1%e0%ba%99/